Les deux belles-soeurs


Lecture en continu :

Transcription par phrase


Transcription du texte complet


O kakakae lea.
Nira me togtoga, o tavne i tuwale, vag rasoana, rara me togtoga va—va, o tavne me tiana.
O tavne me tiana, rara me togtoga, o tavne me la o rerem̄era. Ni me vasis, me mate. Me mate, pa i walna ni gate glala was me mate – i tutuan o m̄ereata i rasoana.
Qon̄ tuwale, ni me va ma was ni vatvatev-ia; me va ma pa, ni gate glala was walna ilon me mate veta.
Ale, ni me ilo ni we pte pa gate inea. O tamate tapena veta.
Ale, kalo pata ilo im̄a, me ilo tavne ilon we pte, me nonom was tur walna, was ni qale toga.
Ale ni me pte swo, rara me togtoga, me ka—kakae, o tavne ilon me / o tamate ilon me vet munia was rara a asewut.
Rara me asewut, pa – o tamate ilon me walna o tamate ilon me asewut avnana, avnan o walna ilon o tanun.
Rara me togtoga, o tavne ilon o tamate me rowo lwe.
O loa me tra swo iake, pe tra swo iake pen ti tul, o tamate ilon me rowo lwe.
Me rowo lwe, me tra ape mateim̄a kel siwo, pe mateloa, me va me govgov o loa.
Me govgov o loa va—va, me kalo pata kel ma. Kalo pata kel ma, me asewut.
Asewut asewut va—va, me rowo lwe kel.
Me rowo lwe kel me govgov o loa, ale i walna ilon me ilo tam̄aine: ni me ilo vaglala was i ro gene iloke ni gate tanun. Ni me mate veta.
Ni me tavaraka, me rowo lwe i varea, me sagarag siwo, o tamate ilon te gov o loa t’.
Me go—gov o loa, me kalo pata kel sage, me asewut kel.
Me a—sewut, me ilo walna ilon me matir, ale, me rowo lwe kel mulan̄, me va kel mulan̄ i varea, me va me govgov kel mulan̄ o loa.
Go—gov o loa, ro ine me mamata ma, i walna ilon me mamata ma, me rowo lwe me ilo o tamate ilon te gov o loa ti.
Me go—gov o loa, me kalo pata kel sage, me asewut kel.
Me asewut va—va, me rowo lwe kel, me gov kel o loa.
Me go—gov o loa, walna ilon o tanun, me tavaraka, me ilo was / me rowo lwe ni me sagarag siwo walna ilon tamate te gov mulan̄ o loa ti.
Me kalo pata kel sage, me rowo lwe tal tavala mateim̄a, me valago.
Me valago valago valago valago valago valago ...
Tamate ilon me govgov qet o loa, me kalo pata ma me ilo: i walna me tagtagai veta.
Me rowo lwe i varea me ske inea, me ske waliog a lele im̄a / a varea: tagtagai!
Qet ni me glala was i walna ilon me valago.
Me valago valago valago va—va, tataga i walna ilon, walna ilon me valago, tanun lon me valago, va—va, me nn̄a ma pe mateim̄ana;
ni me sarovag pata sage lele im̄a: walna ilon tamate me va ma me nn̄a swo pe mateim̄a, me tut pilage gap siwo pe mateim̄a, ni me kel.
O kakakae ilon me qet gap siwo nanqa iake.
S1 stop écouter
O kakakae lea.

S2 stop écouter
Nira me togtoga, o tavne i tuwale, vag rasoana, rara me togtoga va—va, o tavne me tiana.

S3 stop écouter
O tavne me tiana, rara me togtoga, o tavne me la o rerem̄era. Ni me vasis, me mate. Me mate, pa i walna ni gate glala was me mate – i tutuan o m̄ereata i rasoana.

S4 stop écouter
Qon̄ tuwale, ni me va ma was ni vatvatev-ia; me va ma pa, ni gate glala was walna ilon me mate veta.

S5 stop écouter
Ale, ni me ilo ni we pte pa gate inea. O tamate tapena veta.

S6 stop écouter
Ale, kalo pata ilo im̄a, me ilo tavne ilon we pte, me nonom was tur walna, was ni qale toga.

S7 stop écouter
Ale ni me pte swo, rara me togtoga, me ka—kakae, o tavne ilon me / o tamate ilon me vet munia was rara a asewut.

S8 stop écouter
Rara me asewut, pa – o tamate ilon me walna o tamate ilon me asewut avnana, avnan o walna ilon o tanun.

S9 stop écouter
Rara me togtoga, o tavne ilon o tamate me rowo lwe.

S10 stop écouter
O loa me tra swo iake, pe tra swo iake pen ti tul, o tamate ilon me rowo lwe.

S11 stop écouter
Me rowo lwe, me tra ape mateim̄a kel siwo, pe mateloa, me va me govgov o loa.

S12 stop écouter
Me govgov o loa va—va, me kalo pata kel ma. Kalo pata kel ma, me asewut.

S13 stop écouter
Asewut asewut va—va, me rowo lwe kel.

S14 stop écouter
Me rowo lwe kel me govgov o loa, ale i walna ilon me ilo tam̄aine: ni me ilo vaglala was i ro gene iloke ni gate tanun. Ni me mate veta.

S15 stop écouter
Ni me tavaraka, me rowo lwe i varea, me sagarag siwo, o tamate ilon te gov o loa t’.

S16 stop écouter
Me go—gov o loa, me kalo pata kel sage, me asewut kel.

S17 stop écouter
Me a—sewut, me ilo walna ilon me matir, ale, me rowo lwe kel mulan̄, me va kel mulan̄ i varea, me va me govgov kel mulan̄ o loa.

S18 stop écouter
Go—gov o loa, ro ine me mamata ma, i walna ilon me mamata ma, me rowo lwe me ilo o tamate ilon te gov o loa ti.

S19 stop écouter
Me go—gov o loa, me kalo pata kel sage, me asewut kel.

S20 stop écouter
Me asewut va—va, me rowo lwe kel, me gov kel o loa.

S21 stop écouter
Me go—gov o loa, walna ilon o tanun, me tavaraka, me ilo was / me rowo lwe ni me sagarag siwo walna ilon tamate te gov mulan̄ o loa ti.

S22 stop écouter
Me kalo pata kel sage, me rowo lwe tal tavala mateim̄a, me valago.

S23 stop écouter
Me valago valago valago valago valago valago ...

S24 stop écouter
Tamate ilon me govgov qet o loa, me kalo pata ma me ilo: i walna me tagtagai veta.

S25 stop écouter
Me rowo lwe i varea me ske inea, me ske waliog a lele im̄a / a varea: tagtagai!

S26 stop écouter
Qet ni me glala was i walna ilon me valago.

S27 stop écouter
Me valago valago valago va—va, tataga i walna ilon, walna ilon me valago, tanun lon me valago, va—va, me nn̄a ma pe mateim̄ana;

S28 stop écouter
ni me sarovag pata sage lele im̄a: walna ilon tamate me va ma me nn̄a swo pe mateim̄a, me tut pilage gap siwo pe mateim̄a, ni me kel.

S29 stop écouter
O kakakae ilon me qet gap siwo nanqa iake.