Varvang contre le géant


Lecture en continu :

Transcription par phrase


Transcription du texte complet


O kakaka mon e Varvan̄, wo Esmōtō.
E rege min gonon. Nōrō ta Vetrat.
Nōrō me to–tog – o reqe me togsier, me nag row, o atm̄ēn. O atm̄ēn no, o san e Varvan̄.
E Varvan̄, o tutuan enen̄.
Pa le masawre nēr a van le met, tape venven, e rege towo kakakal sur o ēg, e Varvan̄ me ukeg vatag mon o wae. Ēl row o: o wae ti golgol, me qal o ēg!
Sōw, e rege gat min nē ta “Nēk ti nagnag min kemem no, nēk e tisim enen̄, tutuom enen̄! Si / Ga wē ta nēk ga van a Santo, Esmōtō ni kur o qutum!”
Nēr ti gatgat min e Varvan̄ le masawregi nē atik. Pa o gatgat mogonēr, o lolon ete qōn̄.
Ni to–tog, le qōn̄ ni tawal, ni gat min e taman: “Mam! Na ga mōrōs nēk a tar o kok.” Taman wo “Ga wē!”
Varvan̄ wo “Pa na na ga tar o ak; na ga tek me o ak.”
Nē me van le wōm̄ōt: nē me guvut kal o qētgi sawa.
Turm̄o, o parpar enen̄; nē me guvut kal o qētgi sawa no, ni kōm̄ lat o ulsugi, ni kōm̄ lat o qētgi.
Ni tek me min e taman le lo vōnō, ni gat min e taman ta: “O kok gēn!”
Taman me tar o ak, me ta–tar, me tartar qēt: “Ga wē, gonok nēk a vil.”
Nē me van me, ram̄ me o gawol. E taman ga mōrōs ta ni nin o gawol, ni gat min e taman ta “Óòó, nēk mete nin o gawol! Nēk a vil nōlnōl temek no.”
Qēt, ni van ni tar me o sam. O sam tape kan, ete tos.
Me mop nōl gop temek no, wo e taman ni vil o ak no.
Me vilvil qēt – e taman me tar o wos. Taman me tar o wos, me tartar qēt o wos, ni mop ti, e taman ni tar o qeseker.
Ni ti nagnag o savsav no tatag o sav e Varvan̄ ti gatgat min nē.
O savsav nōl me taurmat, o ak me qēt, o wos me qēt, o qeseker me qēt: noko, ni gat min e taman wo e rētnan: “Talōw, na ga van le rawuw.”
(Le rawuw, tene vasvas qet mogon e rege ta Vetrat, turm̄o.)
Ni me van le rawuw, ni me sar o qet: o qēl ni tēvēlēm!
Ni me sar o qet, o qet ni / o qēl ni tēvēlēm, ni tek me le vōnō: e retnan wo taman, nōrō a qarn̄is.
Qarn̄is qēt o qet no, le matav, e Varvan̄ wo: “Mam, na ga mōrōs ta nintōl a sas tēqēl o kok row a le metesa.”
E taman me van me, mete sas kal o ak, o ak ga lowo anan, ga mamav. Wo ni gat min e taman ta: “O, van nen! Sōwlē –”
Varvan̄, ni me tōr o ak no, me sas kal o ak, vērvērēg tek, me nin̄ row o le metesa a Vetrat, ni mop ti.
Van tek / Van kēl sar le vōnō, at min e retnan; me le o teper qet ni tawal, me tek row: tek row o wos. Van tek row o wos, o teper sanag ni tawal, o qeseker.
Taman wo “E! Nēk a van eve?” Wo “Óòó, na na van na na ēl ti e Esmōtō, a Santo! Sur e rege ti gatgat ta e Esmōtō ni kur o qutuk; pa na na van na ēl nē ti!”
Taman wo “Óòó, nēk nitog vanvan! Si nēk a van, nē ga kur nēk! Wole nē o tam̄sar / nē o tam̄sar / nē o kurkur tam̄sar.”
Varvan̄ wo “Ga wē. Na ga van, kōmōrō ru tog ti, ru luw o qōn̄ san̄wul. Si me nin̄ o qōn̄ san̄wul nem̄egi ni tawal, na me mat. Pa na ga kēl me le qōn̄ ni san̄wul.”
Qēt, ni rev tēqēl o kan, ni sō.
Ni me sō– sō, ni varkal vēti a Big Bay. Ni van sar me no: e rege pul luvuvet. A von̄von̄on.
Wo “Ey! Nēk towo vanvan?” Ta “Ke!”
Ta “Nēk eve?” Ta “O, na na van ma / na van me ta na na ēl / na van sur e Esmōtō.”
Nēr wo “O, varkal me! Le nor, kemem pul san̄wul. Pa Esmōtō me van me, me kur *ne* ni tawal, kem pul luvuvet vēti.”
Wo “Enen̄, ga wē, ru tog ti!”
Ni van; van e rege pul luvutōl. Ni gat min nēr temek no.
Me van van van va–van, me nin̄ o tam̄sar ni tawal. Me nin̄ o tam̄sar ni tawal, nē ni von̄von̄on wa ni ten̄ten̄.
Varvan̄ wo “Ey! Nēk ti ten̄ten̄ sur o sav?”
Wo “Óòó, na na ten̄ten̄ sur no. Sur le nor, kememrō pul rō, pa e Esmōtō me van me, me kur ni tawal wa no vēti. Garqe le qōn̄ nē ga van me nē ga kur no. Pa *we* nēk a varkal me, ninrō! Nēk a *tog* pirin̄ no.” Ta “O, enen̄!”
“Ti e Esmōtō eve?” – “E Esmōtō lakēl. Nēk a van levga o n̄usugi no, nēk a van sar a Big Bay, Esmōtō ga togtog no.” – “Ga wē.”
Sō sō, sō kal a Big Bay, ni van sar: Esmōtō enen̄ le vōnō.
Mop ti gan o teper qet, wo o qeseker. Tēlēn̄re ti.
Ni van sar, van sar le vōnō, ēl me: tam̄sar enen̄.
Kal sar le gemel, nē ni ēl o sav? o wuw qutu tam̄sar, m̄ōsgi, ga garaq, taklegi kara kur gop ti le qōn̄!
Ni wo “Ga nun ron! E va le, ni o tam̄sar ga meneg!”
Ni ēl no: o tōw. *Ēl sur no* o tōw: “Wun̄n̄, wun̄n̄, wun̄n̄!”
Uvuv qēt o tōw, on sur sōw. Nē o–on le gemel, wo enen̄: Esmōtō ete nin̄.
Ni row lō kēl; ni row lō row me, ni van me le sar. Van me le sar, ni ēl no: o wokor! Wokor ti tog ti.
*Ēl me re sur no*, ta: “Tik-teketi! Tek-titeketi! Tek-titeketi! Tek-titeketi! Tek-titeketi! Tek-titeketi!” Wo ni van.
Gono, e Esmōtō ete rōnte.
Ni kal teln̄or kēl le gemel. Kal teln̄or sar le gemel, me o–on, ni le o tōw: “Wun̄! Wun̄! Wun̄!”
Enen̄, Esmōtō ete ron̄te.
Ni o–o–on le lo gemel, ni row lō row, ni van lō le sar me.
Ni ēl o / van me le wokor. Van me le wokor se no; *ta ta*: “Tek-titeketi! Tek-titeketi! Tek-titeketi! Tek-titeketi! Tek-titeketi! Tek-titeketi! Tek-titeketi!” Wo ni van.
Van noko, wenag Esmōtō me ron̄te! “Ke! E sē me nin̄ le vonok?!”
Vērēg, vērēg, vērēg, vērēg vērēg vērēg vērēg, nin̄ me le vōnō; ēl me: Varvan̄ ti sag ti.
“E! Nēk me van me?” Ta “Ke!” Wo “O, ga wē! Nēk me van me, o tam̄sar ete vanvan me sur no! Na ga tog masgēk; pa ga wē no, nēk me van me!”
Nōrō me sag kakaka no, Esmōtō wo “Ninrō a van a sum vōs?” Varvan̄ wo “Ga wē, ninrō a van!”
Va–van, van nin̄ me o qētgi mōtō ni tawal, Esmōtō ni gat min nē ta “Nēk a rep o vōs!”
E Varvan̄ wo: “Le masawre na me wot, gainin̄ garqe, na ete rep vēs o mōtō palan e papa / e tomok! Si na na rep o mōtō, o lōlōm ga gagar no garqe!”
Wa Esmōtō wo “Lōlōk mete gagar le nēk! O mōtō palan ninrō! Rep!”
Nōrō me verliliseg no va–van, Esmōtō ni **** Varvan̄.
Varvan̄ me van me, me tur pe qētgi mōtō temek nak, kōm̄ lat o mōtō.
Kōm̄ lat o mōtō – wole Esmōtō, lolon me gagar sur palan o mōtō. Nōrō a sum o vōs.
Su–sum o vōs, o vōs me qēt, nōrō me kukur o mōtō ga maran̄, me kur qēt; o tare m̄ol nōrō me kur qēt.
Gonoko, wonag Esmōtō lolon ni gagar e Varvan̄.
“Ey! E sē me gat min nēk ta nēk a kōm̄ lat o mōtō polok?”
Varvan̄ wo “Ti na me gat min nēk! Ewa nēk a rep. Pa si na na rep, o lōlōm ga gar. Pa nēk me gat ta lōlōm mete gar, ti gonok o lōlōm me gar no!”
E Varvan̄ towo gatgat, gono: Esmōtō me le rak o ser, ni es e Varvan̄.
Varvan̄ ni row gēn.
Nōrō me rēs temek no, rēs temek no van vava–van, nin̄ me / e Varvan̄ me nin̄ me o qeseker.
Ni le kal mon o qeseker, ni gat min Esmōtō ta: “Nēk me gis tos no, na ga vivir m̄ōt o nōlōm gonok, na ga tuqul o qutum a Vōnōlav!”
Qēt, e Esmōtō me es e Varvan̄ so no, me es tos nē.
Varvan̄ me le rak o qeseker so no: tōwōs e Esmōtō. Tōwōs nolon: o tarpen ni on ti a Big Bay, wo e Varvan̄ me le kal o qoton e Esmōtō, me vivir, me m̄os sōw me a Vures.
Sa, eve? *tek a* Le Pē matmat.
Ete lēlē gonok, o qoton no ga tog vēti si o naw me tuvun. Pa si nēk ga mōrōs a ēl o qoton e Varvan̄, nēk a van sōw a Vures nēk a ēl.
O kakaka no me qēt no. Varean.
S1 stop écouter
O kakaka mon e Varvan̄, wo Esmōtō.

S2 stop écouter
E rege min gonon. Nōrō ta Vetrat.

S3 stop écouter
Nōrō me to–tog – o reqe me togsier, me nag row, o atm̄ēn. O atm̄ēn no, o san e Varvan̄.

S4 stop écouter
E Varvan̄, o tutuan enen̄.

S5 stop écouter
Pa le masawre nēr a van le met, tape venven, e rege towo kakakal sur o ēg, e Varvan̄ me ukeg vatag mon o wae. Ēl row o: o wae ti golgol, me qal o ēg!

S6 stop écouter
Sōw, e rege gat min nē ta “Nēk ti nagnag min kemem no, nēk e tisim enen̄, tutuom enen̄! Si / Ga wē ta nēk ga van a Santo, Esmōtō ni kur o qutum!”

S7 stop écouter
Nēr ti gatgat min e Varvan̄ le masawregi nē atik. Pa o gatgat mogonēr, o lolon ete qōn̄.

S8 stop écouter
Ni to–tog, le qōn̄ ni tawal, ni gat min e taman: “Mam! Na ga mōrōs nēk a tar o kok.” Taman wo “Ga wē!”

S9 stop écouter
Varvan̄ wo “Pa na na ga tar o ak; na ga tek me o ak.”

S10 stop écouter
Nē me van le wōm̄ōt: nē me guvut kal o qētgi sawa.

S11 stop écouter
Turm̄o, o parpar enen̄; nē me guvut kal o qētgi sawa no, ni kōm̄ lat o ulsugi, ni kōm̄ lat o qētgi.

S12 stop écouter
Ni tek me min e taman le lo vōnō, ni gat min e taman ta: “O kok gēn!”

S13 stop écouter
Taman me tar o ak, me ta–tar, me tartar qēt: “Ga wē, gonok nēk a vil.”

S14 stop écouter
Nē me van me, ram̄ me o gawol. E taman ga mōrōs ta ni nin o gawol, ni gat min e taman ta “Óòó, nēk mete nin o gawol! Nēk a vil nōlnōl temek no.”

S15 stop écouter
Qēt, ni van ni tar me o sam. O sam tape kan, ete tos.

S16 stop écouter
Me mop nōl gop temek no, wo e taman ni vil o ak no.

S17 stop écouter
Me vilvil qēt – e taman me tar o wos. Taman me tar o wos, me tartar qēt o wos, ni mop ti, e taman ni tar o qeseker.

S18 stop écouter
Ni ti nagnag o savsav no tatag o sav e Varvan̄ ti gatgat min nē.

S19 stop écouter
O savsav nōl me taurmat, o ak me qēt, o wos me qēt, o qeseker me qēt: noko, ni gat min e taman wo e rētnan: “Talōw, na ga van le rawuw.”

S20 stop écouter
(Le rawuw, tene vasvas qet mogon e rege ta Vetrat, turm̄o.)

S21 stop écouter
Ni me van le rawuw, ni me sar o qet: o qēl ni tēvēlēm!

S22 stop écouter
Ni me sar o qet, o qet ni / o qēl ni tēvēlēm, ni tek me le vōnō: e retnan wo taman, nōrō a qarn̄is.

S23 stop écouter
Qarn̄is qēt o qet no, le matav, e Varvan̄ wo: “Mam, na ga mōrōs ta nintōl a sas tēqēl o kok row a le metesa.”

S24 stop écouter
E taman me van me, mete sas kal o ak, o ak ga lowo anan, ga mamav. Wo ni gat min e taman ta: “O, van nen! Sōwlē –”

S25 stop écouter
Varvan̄, ni me tōr o ak no, me sas kal o ak, vērvērēg tek, me nin̄ row o le metesa a Vetrat, ni mop ti.

S26 stop écouter
Van tek / Van kēl sar le vōnō, at min e retnan; me le o teper qet ni tawal, me tek row: tek row o wos. Van tek row o wos, o teper sanag ni tawal, o qeseker.

S27 stop écouter
Taman wo “E! Nēk a van eve?” Wo “Óòó, na na van na na ēl ti e Esmōtō, a Santo! Sur e rege ti gatgat ta e Esmōtō ni kur o qutuk; pa na na van na ēl nē ti!”

S28 stop écouter
Taman wo “Óòó, nēk nitog vanvan! Si nēk a van, nē ga kur nēk! Wole nē o tam̄sar / nē o tam̄sar / nē o kurkur tam̄sar.”

S29 stop écouter
Varvan̄ wo “Ga wē. Na ga van, kōmōrō ru tog ti, ru luw o qōn̄ san̄wul. Si me nin̄ o qōn̄ san̄wul nem̄egi ni tawal, na me mat. Pa na ga kēl me le qōn̄ ni san̄wul.”

S30 stop écouter
Qēt, ni rev tēqēl o kan, ni sō.

S31 stop écouter
Ni me sō– sō, ni varkal vēti a Big Bay. Ni van sar me no: e rege pul luvuvet. A von̄von̄on.

S32 stop écouter
Wo “Ey! Nēk towo vanvan?” Ta “Ke!”

S33 stop écouter
Ta “Nēk eve?” Ta “O, na na van ma / na van me ta na na ēl / na van sur e Esmōtō.”

S34 stop écouter
Nēr wo “O, varkal me! Le nor, kemem pul san̄wul. Pa Esmōtō me van me, me kur *ne* ni tawal, kem pul luvuvet vēti.”

S35 stop écouter
Wo “Enen̄, ga wē, ru tog ti!”

S36 stop écouter
Ni van; van e rege pul luvutōl. Ni gat min nēr temek no.

S37 stop écouter
Me van van van va–van, me nin̄ o tam̄sar ni tawal. Me nin̄ o tam̄sar ni tawal, nē ni von̄von̄on wa ni ten̄ten̄.

S38 stop écouter
Varvan̄ wo “Ey! Nēk ti ten̄ten̄ sur o sav?”

S39 stop écouter
Wo “Óòó, na na ten̄ten̄ sur no. Sur le nor, kememrō pul rō, pa e Esmōtō me van me, me kur ni tawal wa no vēti. Garqe le qōn̄ nē ga van me nē ga kur no. Pa *we* nēk a varkal me, ninrō! Nēk a *tog* pirin̄ no.” Ta “O, enen̄!”

S40 stop écouter
“Ti e Esmōtō eve?” – “E Esmōtō lakēl. Nēk a van levga o n̄usugi no, nēk a van sar a Big Bay, Esmōtō ga togtog no.” – “Ga wē.”

S41 stop écouter
Sō sō, sō kal a Big Bay, ni van sar: Esmōtō enen̄ le vōnō.

S42 stop écouter
Mop ti gan o teper qet, wo o qeseker. Tēlēn̄re ti.

S43 stop écouter
Ni van sar, van sar le vōnō, ēl me: tam̄sar enen̄.

S44 stop écouter
Kal sar le gemel, nē ni ēl o sav? o wuw qutu tam̄sar, m̄ōsgi, ga garaq, taklegi kara kur gop ti le qōn̄!

S45 stop écouter
Ni wo “Ga nun ron! E va le, ni o tam̄sar ga meneg!”

S46 stop écouter
Ni ēl no: o tōw. *Ēl sur no* o tōw: “Wun̄n̄, wun̄n̄, wun̄n̄!”

S47 stop écouter
Uvuv qēt o tōw, on sur sōw. Nē o–on le gemel, wo enen̄: Esmōtō ete nin̄.

S48 stop écouter
Ni row lō kēl; ni row lō row me, ni van me le sar. Van me le sar, ni ēl no: o wokor! Wokor ti tog ti.

S49 stop écouter
*Ēl me re sur no*, ta: “Tik-teketi! Tek-titeketi! Tek-titeketi! Tek-titeketi! Tek-titeketi! Tek-titeketi!” Wo ni van.

S50 stop écouter
Gono, e Esmōtō ete rōnte.

S51 stop écouter
Ni kal teln̄or kēl le gemel. Kal teln̄or sar le gemel, me o–on, ni le o tōw: “Wun̄! Wun̄! Wun̄!”

S52 stop écouter
Enen̄, Esmōtō ete ron̄te.

S53 stop écouter
Ni o–o–on le lo gemel, ni row lō row, ni van lō le sar me.

S54 stop écouter
Ni ēl o / van me le wokor. Van me le wokor se no; *ta ta*: “Tek-titeketi! Tek-titeketi! Tek-titeketi! Tek-titeketi! Tek-titeketi! Tek-titeketi! Tek-titeketi!” Wo ni van.

S55 stop écouter
Van noko, wenag Esmōtō me ron̄te! “Ke! E sē me nin̄ le vonok?!”

S56 stop écouter
Vērēg, vērēg, vērēg, vērēg vērēg vērēg vērēg, nin̄ me le vōnō; ēl me: Varvan̄ ti sag ti.

S57 stop écouter
“E! Nēk me van me?” Ta “Ke!” Wo “O, ga wē! Nēk me van me, o tam̄sar ete vanvan me sur no! Na ga tog masgēk; pa ga wē no, nēk me van me!”

S58 stop écouter
Nōrō me sag kakaka no, Esmōtō wo “Ninrō a van a sum vōs?” Varvan̄ wo “Ga wē, ninrō a van!”

S59 stop écouter
Va–van, van nin̄ me o qētgi mōtō ni tawal, Esmōtō ni gat min nē ta “Nēk a rep o vōs!”

S60 stop écouter
E Varvan̄ wo: “Le masawre na me wot, gainin̄ garqe, na ete rep vēs o mōtō palan e papa / e tomok! Si na na rep o mōtō, o lōlōm ga gagar no garqe!”

S61 stop écouter
Wa Esmōtō wo “Lōlōk mete gagar le nēk! O mōtō palan ninrō! Rep!”

S62 stop écouter
Nōrō me verliliseg no va–van, Esmōtō ni **** Varvan̄.

S63 stop écouter
Varvan̄ me van me, me tur pe qētgi mōtō temek nak, kōm̄ lat o mōtō.

S64 stop écouter
Kōm̄ lat o mōtō – wole Esmōtō, lolon me gagar sur palan o mōtō. Nōrō a sum o vōs.

S65 stop écouter
Su–sum o vōs, o vōs me qēt, nōrō me kukur o mōtō ga maran̄, me kur qēt; o tare m̄ol nōrō me kur qēt.

S66 stop écouter
Gonoko, wonag Esmōtō lolon ni gagar e Varvan̄.

S67 stop écouter
“Ey! E sē me gat min nēk ta nēk a kōm̄ lat o mōtō polok?”

S68 stop écouter
Varvan̄ wo “Ti na me gat min nēk! Ewa nēk a rep. Pa si na na rep, o lōlōm ga gar. Pa nēk me gat ta lōlōm mete gar, ti gonok o lōlōm me gar no!”

S69 stop écouter
E Varvan̄ towo gatgat, gono: Esmōtō me le rak o ser, ni es e Varvan̄.

S70 stop écouter
Varvan̄ ni row gēn.

S71 stop écouter
Nōrō me rēs temek no, rēs temek no van vava–van, nin̄ me / e Varvan̄ me nin̄ me o qeseker.

S72 stop écouter
Ni le kal mon o qeseker, ni gat min Esmōtō ta: “Nēk me gis tos no, na ga vivir m̄ōt o nōlōm gonok, na ga tuqul o qutum a Vōnōlav!”

S73 stop écouter
Qēt, e Esmōtō me es e Varvan̄ so no, me es tos nē.

S74 stop écouter
Varvan̄ me le rak o qeseker so no: tōwōs e Esmōtō. Tōwōs nolon: o tarpen ni on ti a Big Bay, wo e Varvan̄ me le kal o qoton e Esmōtō, me vivir, me m̄os sōw me a Vures.

S75 stop écouter
Sa, eve? *tek a* Le Pē matmat.

S76 stop écouter
Ete lēlē gonok, o qoton no ga tog vēti si o naw me tuvun. Pa si nēk ga mōrōs a ēl o qoton e Varvan̄, nēk a van sōw a Vures nēk a ēl.

S77 stop écouter
O kakaka no me qēt no. Varean.