Les deux belles-soeurs doi


Continuous playing:

Transcription by sentence
Other

Whole text transcription


O kakakae lea.
Nira me togtoga, o tavne i tuwale, vag rasoana, rara me togtoga va—va, o tavne me tiana.
O tavne me tiana, rara me togtoga, o tavne me la o rerem̄era. Ni me vasis, me mate. Me mate, pa i walna ni gate glala was me mate – i tutuan o m̄ereata i rasoana.
Qon̄ tuwale, ni me va ma was ni vatvatev-ia; me va ma pa, ni gate glala was walna ilon me mate veta.
Ale, ni me ilo ni we pte pa gate inea. O tamate tapena veta.
Ale, kalo pata ilo im̄a, me ilo tavne ilon we pte, me nonom was tur walna, was ni qale toga.
Ale ni me pte swo, rara me togtoga, me ka—kakae, o tavne ilon me / o tamate ilon me vet munia was rara a asewut.
Rara me asewut, pa – o tamate ilon me walna o tamate ilon me asewut avnana, avnan o walna ilon o tanun.
Rara me togtoga, o tavne ilon o tamate me rowo lwe.
O loa me tra swo iake, pe tra swo iake pen ti tul, o tamate ilon me rowo lwe.
Me rowo lwe, me tra ape mateim̄a kel siwo, pe mateloa, me va me govgov o loa.
Me govgov o loa va—va, me kalo pata kel ma. Kalo pata kel ma, me asewut.
Asewut asewut va—va, me rowo lwe kel.
Me rowo lwe kel me govgov o loa, ale i walna ilon me ilo tam̄aine: ni me ilo vaglala was i ro gene iloke ni gate tanun. Ni me mate veta.
Ni me tavaraka, me rowo lwe i varea, me sagarag siwo, o tamate ilon te gov o loa t’.
Me go—gov o loa, me kalo pata kel sage, me asewut kel.
Me a—sewut, me ilo walna ilon me matir, ale, me rowo lwe kel mulan̄, me va kel mulan̄ i varea, me va me govgov kel mulan̄ o loa.
Go—gov o loa, ro ine me mamata ma, i walna ilon me mamata ma, me rowo lwe me ilo o tamate ilon te gov o loa ti.
Me go—gov o loa, me kalo pata kel sage, me asewut kel.
Me asewut va—va, me rowo lwe kel, me gov kel o loa.
Me go—gov o loa, walna ilon o tanun, me tavaraka, me ilo was / me rowo lwe ni me sagarag siwo walna ilon tamate te gov mulan̄ o loa ti.
Me kalo pata kel sage, me rowo lwe tal tavala mateim̄a, me valago.
Me valago valago valago valago valago valago ...
Tamate ilon me govgov qet o loa, me kalo pata ma me ilo: i walna me tagtagai veta.
Me rowo lwe i varea me ske inea, me ske waliog a lele im̄a / a varea: tagtagai!
Qet ni me glala was i walna ilon me valago.
Me valago valago valago va—va, tataga i walna ilon, walna ilon me valago, tanun lon me valago, va—va, me nn̄a ma pe mateim̄ana;
ni me sarovag pata sage lele im̄a: walna ilon tamate me va ma me nn̄a swo pe mateim̄a, me tut pilage gap siwo pe mateim̄a, ni me kel.
O kakakae ilon me qet gap siwo nanqa iake.

S1 doi

stop écouter
O kakakae lea.

S2 doi

stop écouter
Nira me togtoga, o tavne i tuwale, vag rasoana, rara me togtoga va—va, o tavne me tiana.

S3 doi

stop écouter
O tavne me tiana, rara me togtoga, o tavne me la o rerem̄era. Ni me vasis, me mate. Me mate, pa i walna ni gate glala was me mate – i tutuan o m̄ereata i rasoana.

S4 doi

stop écouter
Qon̄ tuwale, ni me va ma was ni vatvatev-ia; me va ma pa, ni gate glala was walna ilon me mate veta.

S5 doi

stop écouter
Ale, ni me ilo ni we pte pa gate inea. O tamate tapena veta.

S6 doi

stop écouter
Ale, kalo pata ilo im̄a, me ilo tavne ilon we pte, me nonom was tur walna, was ni qale toga.

S7 doi

stop écouter
Ale ni me pte swo, rara me togtoga, me ka—kakae, o tavne ilon me / o tamate ilon me vet munia was rara a asewut.

S8 doi

stop écouter
Rara me asewut, pa – o tamate ilon me walna o tamate ilon me asewut avnana, avnan o walna ilon o tanun.

S9 doi

stop écouter
Rara me togtoga, o tavne ilon o tamate me rowo lwe.

S10 doi

stop écouter
O loa me tra swo iake, pe tra swo iake pen ti tul, o tamate ilon me rowo lwe.

S11 doi

stop écouter
Me rowo lwe, me tra ape mateim̄a kel siwo, pe mateloa, me va me govgov o loa.

S12 doi

stop écouter
Me govgov o loa va—va, me kalo pata kel ma. Kalo pata kel ma, me asewut.

S13 doi

stop écouter
Asewut asewut va—va, me rowo lwe kel.

S14 doi

stop écouter
Me rowo lwe kel me govgov o loa, ale i walna ilon me ilo tam̄aine: ni me ilo vaglala was i ro gene iloke ni gate tanun. Ni me mate veta.

S15 doi

stop écouter
Ni me tavaraka, me rowo lwe i varea, me sagarag siwo, o tamate ilon te gov o loa t’.

S16 doi

stop écouter
Me go—gov o loa, me kalo pata kel sage, me asewut kel.

S17 doi

stop écouter
Me a—sewut, me ilo walna ilon me matir, ale, me rowo lwe kel mulan̄, me va kel mulan̄ i varea, me va me govgov kel mulan̄ o loa.

S18 doi

stop écouter
Go—gov o loa, ro ine me mamata ma, i walna ilon me mamata ma, me rowo lwe me ilo o tamate ilon te gov o loa ti.

S19 doi

stop écouter
Me go—gov o loa, me kalo pata kel sage, me asewut kel.

S20 doi

stop écouter
Me asewut va—va, me rowo lwe kel, me gov kel o loa.

S21 doi

stop écouter
Me go—gov o loa, walna ilon o tanun, me tavaraka, me ilo was / me rowo lwe ni me sagarag siwo walna ilon tamate te gov mulan̄ o loa ti.

S22 doi

stop écouter
Me kalo pata kel sage, me rowo lwe tal tavala mateim̄a, me valago.

S23 doi

stop écouter
Me valago valago valago valago valago valago ...

S24 doi

stop écouter
Tamate ilon me govgov qet o loa, me kalo pata ma me ilo: i walna me tagtagai veta.

S25 doi

stop écouter
Me rowo lwe i varea me ske inea, me ske waliog a lele im̄a / a varea: tagtagai!

S26 doi

stop écouter
Qet ni me glala was i walna ilon me valago.

S27 doi

stop écouter
Me valago valago valago va—va, tataga i walna ilon, walna ilon me valago, tanun lon me valago, va—va, me nn̄a ma pe mateim̄ana;

S28 doi

stop écouter
ni me sarovag pata sage lele im̄a: walna ilon tamate me va ma me nn̄a swo pe mateim̄a, me tut pilage gap siwo pe mateim̄a, ni me kel.

S29 doi

stop écouter
O kakakae ilon me qet gap siwo nanqa iake.