Varvang contre le géant doi


Continuous playing:

Transcription by sentence
Other
Whole text transcription



O kakaka mon e Varvan̄, wo Esmōtō.
E rege min gonon. Nōrō ta Vetrat.
Nōrō me to–tog – o reqe me togsier, me nag row, o atm̄ēn. O atm̄ēn no, o san e Varvan̄.
E Varvan̄, o tutuan enen̄.
Pa le masawre nēr a van le met, tape venven, e rege towo kakakal sur o ēg, e Varvan̄ me ukeg vatag mon o wae. Ēl row o: o wae ti golgol, me qal o ēg!
Sōw, e rege gat min nē ta “Nēk ti nagnag min kemem no, nēk e tisim enen̄, tutuom enen̄! Si / Ga wē ta nēk ga van a Santo, Esmōtō ni kur o qutum!”
Nēr ti gatgat min e Varvan̄ le masawregi nē atik. Pa o gatgat mogonēr, o lolon ete qōn̄.
Ni to–tog, le qōn̄ ni tawal, ni gat min e taman: “Mam! Na ga mōrōs nēk a tar o kok.” Taman wo “Ga wē!”
Varvan̄ wo “Pa na na ga tar o ak; na ga tek me o ak.”
Nē me van le wōm̄ōt: nē me guvut kal o qētgi sawa.
Turm̄o, o parpar enen̄; nē me guvut kal o qētgi sawa no, ni kōm̄ lat o ulsugi, ni kōm̄ lat o qētgi.
Ni tek me min e taman le lo vōnō, ni gat min e taman ta: “O kok gēn!”
Taman me tar o ak, me ta–tar, me tartar qēt: “Ga wē, gonok nēk a vil.”
Nē me van me, ram̄ me o gawol. E taman ga mōrōs ta ni nin o gawol, ni gat min e taman ta “Óòó, nēk mete nin o gawol! Nēk a vil nōlnōl temek no.”
Qēt, ni van ni tar me o sam. O sam tape kan, ete tos.
Me mop nōl gop temek no, wo e taman ni vil o ak no.
Me vilvil qēt – e taman me tar o wos. Taman me tar o wos, me tartar qēt o wos, ni mop ti, e taman ni tar o qeseker.
Ni ti nagnag o savsav no tatag o sav e Varvan̄ ti gatgat min nē.
O savsav nōl me taurmat, o ak me qēt, o wos me qēt, o qeseker me qēt: noko, ni gat min e taman wo e rētnan: “Talōw, na ga van le rawuw.”
(Le rawuw, tene vasvas qet mogon e rege ta Vetrat, turm̄o.)
Ni me van le rawuw, ni me sar o qet: o qēl ni tēvēlēm!
Ni me sar o qet, o qet ni / o qēl ni tēvēlēm, ni tek me le vōnō: e retnan wo taman, nōrō a qarn̄is.
Qarn̄is qēt o qet no, le matav, e Varvan̄ wo: “Mam, na ga mōrōs ta nintōl a sas tēqēl o kok row a le metesa.”
E taman me van me, mete sas kal o ak, o ak ga lowo anan, ga mamav. Wo ni gat min e taman ta: “O, van nen! Sōwlē –”
Varvan̄, ni me tōr o ak no, me sas kal o ak, vērvērēg tek, me nin̄ row o le metesa a Vetrat, ni mop ti.
Van tek / Van kēl sar le vōnō, at min e retnan; me le o teper qet ni tawal, me tek row: tek row o wos. Van tek row o wos, o teper sanag ni tawal, o qeseker.
Taman wo “E! Nēk a van eve?” Wo “Óòó, na na van na na ēl ti e Esmōtō, a Santo! Sur e rege ti gatgat ta e Esmōtō ni kur o qutuk; pa na na van na ēl nē ti!”
Taman wo “Óòó, nēk nitog vanvan! Si nēk a van, nē ga kur nēk! Wole nē o tam̄sar / nē o tam̄sar / nē o kurkur tam̄sar.”
Varvan̄ wo “Ga wē. Na ga van, kōmōrō ru tog ti, ru luw o qōn̄ san̄wul. Si me nin̄ o qōn̄ san̄wul nem̄egi ni tawal, na me mat. Pa na ga kēl me le qōn̄ ni san̄wul.”
Qēt, ni rev tēqēl o kan, ni sō.
Ni me sō– sō, ni varkal vēti a Big Bay. Ni van sar me no: e rege pul luvuvet. A von̄von̄on.
Wo “Ey! Nēk towo vanvan?” Ta “Ke!”
Ta “Nēk eve?” Ta “O, na na van ma / na van me ta na na ēl / na van sur e Esmōtō.”
Nēr wo “O, varkal me! Le nor, kemem pul san̄wul. Pa Esmōtō me van me, me kur *ne* ni tawal, kem pul luvuvet vēti.”
Wo “Enen̄, ga wē, ru tog ti!”
Ni van; van e rege pul luvutōl. Ni gat min nēr temek no.
Me van van van va–van, me nin̄ o tam̄sar ni tawal. Me nin̄ o tam̄sar ni tawal, nē ni von̄von̄on wa ni ten̄ten̄.
Varvan̄ wo “Ey! Nēk ti ten̄ten̄ sur o sav?”
Wo “Óòó, na na ten̄ten̄ sur no. Sur le nor, kememrō pul rō, pa e Esmōtō me van me, me kur ni tawal wa no vēti. Garqe le qōn̄ nē ga van me nē ga kur no. Pa *we* nēk a varkal me, ninrō! Nēk a *tog* pirin̄ no.” Ta “O, enen̄!”
“Ti e Esmōtō eve?” – “E Esmōtō lakēl. Nēk a van levga o n̄usugi no, nēk a van sar a Big Bay, Esmōtō ga togtog no.” – “Ga wē.”
Sō sō, sō kal a Big Bay, ni van sar: Esmōtō enen̄ le vōnō.
Mop ti gan o teper qet, wo o qeseker. Tēlēn̄re ti.
Ni van sar, van sar le vōnō, ēl me: tam̄sar enen̄.
Kal sar le gemel, nē ni ēl o sav? o wuw qutu tam̄sar, m̄ōsgi, ga garaq, taklegi kara kur gop ti le qōn̄!
Ni wo “Ga nun ron! E va le, ni o tam̄sar ga meneg!”
Ni ēl no: o tōw. *Ēl sur no* o tōw: “Wun̄n̄, wun̄n̄, wun̄n̄!”
Uvuv qēt o tōw, on sur sōw. Nē o–on le gemel, wo enen̄: Esmōtō ete nin̄.
Ni row lō kēl; ni row lō row me, ni van me le sar. Van me le sar, ni ēl no: o wokor! Wokor ti tog ti.
*Ēl me re sur no*, ta: “Tik-teketi! Tek-titeketi! Tek-titeketi! Tek-titeketi! Tek-titeketi! Tek-titeketi!” Wo ni van.
Gono, e Esmōtō ete rōnte.
Ni kal teln̄or kēl le gemel. Kal teln̄or sar le gemel, me o–on, ni le o tōw: “Wun̄! Wun̄! Wun̄!”
Enen̄, Esmōtō ete ron̄te.
Ni o–o–on le lo gemel, ni row lō row, ni van lō le sar me.
Ni ēl o / van me le wokor. Van me le wokor se no; *ta ta*: “Tek-titeketi! Tek-titeketi! Tek-titeketi! Tek-titeketi! Tek-titeketi! Tek-titeketi! Tek-titeketi!” Wo ni van.
Van noko, wenag Esmōtō me ron̄te! “Ke! E sē me nin̄ le vonok?!”
Vērēg, vērēg, vērēg, vērēg vērēg vērēg vērēg, nin̄ me le vōnō; ēl me: Varvan̄ ti sag ti.
“E! Nēk me van me?” Ta “Ke!” Wo “O, ga wē! Nēk me van me, o tam̄sar ete vanvan me sur no! Na ga tog masgēk; pa ga wē no, nēk me van me!”
Nōrō me sag kakaka no, Esmōtō wo “Ninrō a van a sum vōs?” Varvan̄ wo “Ga wē, ninrō a van!”
Va–van, van nin̄ me o qētgi mōtō ni tawal, Esmōtō ni gat min nē ta “Nēk a rep o vōs!”
E Varvan̄ wo: “Le masawre na me wot, gainin̄ garqe, na ete rep vēs o mōtō palan e papa / e tomok! Si na na rep o mōtō, o lōlōm ga gagar no garqe!”
Wa Esmōtō wo “Lōlōk mete gagar le nēk! O mōtō palan ninrō! Rep!”
Nōrō me verliliseg no va–van, Esmōtō ni **** Varvan̄.
Varvan̄ me van me, me tur pe qētgi mōtō temek nak, kōm̄ lat o mōtō.
Kōm̄ lat o mōtō – wole Esmōtō, lolon me gagar sur palan o mōtō. Nōrō a sum o vōs.
Su–sum o vōs, o vōs me qēt, nōrō me kukur o mōtō ga maran̄, me kur qēt; o tare m̄ol nōrō me kur qēt.
Gonoko, wonag Esmōtō lolon ni gagar e Varvan̄.
“Ey! E sē me gat min nēk ta nēk a kōm̄ lat o mōtō polok?”
Varvan̄ wo “Ti na me gat min nēk! Ewa nēk a rep. Pa si na na rep, o lōlōm ga gar. Pa nēk me gat ta lōlōm mete gar, ti gonok o lōlōm me gar no!”
E Varvan̄ towo gatgat, gono: Esmōtō me le rak o ser, ni es e Varvan̄.
Varvan̄ ni row gēn.
Nōrō me rēs temek no, rēs temek no van vava–van, nin̄ me / e Varvan̄ me nin̄ me o qeseker.
Ni le kal mon o qeseker, ni gat min Esmōtō ta: “Nēk me gis tos no, na ga vivir m̄ōt o nōlōm gonok, na ga tuqul o qutum a Vōnōlav!”
Qēt, e Esmōtō me es e Varvan̄ so no, me es tos nē.
Varvan̄ me le rak o qeseker so no: tōwōs e Esmōtō. Tōwōs nolon: o tarpen ni on ti a Big Bay, wo e Varvan̄ me le kal o qoton e Esmōtō, me vivir, me m̄os sōw me a Vures.
Sa, eve? *tek a* Le Pē matmat.
Ete lēlē gonok, o qoton no ga tog vēti si o naw me tuvun. Pa si nēk ga mōrōs a ēl o qoton e Varvan̄, nēk a van sōw a Vures nēk a ēl.
O kakaka no me qēt no. Varean.

S1 doi

stop écouter
O kakaka mon e Varvan̄, wo Esmōtō.

S2 doi

stop écouter
E rege min gonon. Nōrō ta Vetrat.

S3 doi

stop écouter
Nōrō me to–tog – o reqe me togsier, me nag row, o atm̄ēn. O atm̄ēn no, o san e Varvan̄.

S4 doi

stop écouter
E Varvan̄, o tutuan enen̄.

S5 doi

stop écouter
Pa le masawre nēr a van le met, tape venven, e rege towo kakakal sur o ēg, e Varvan̄ me ukeg vatag mon o wae. Ēl row o: o wae ti golgol, me qal o ēg!

S6 doi

stop écouter
Sōw, e rege gat min nē ta “Nēk ti nagnag min kemem no, nēk e tisim enen̄, tutuom enen̄! Si / Ga wē ta nēk ga van a Santo, Esmōtō ni kur o qutum!”

S7 doi

stop écouter
Nēr ti gatgat min e Varvan̄ le masawregi nē atik. Pa o gatgat mogonēr, o lolon ete qōn̄.

S8 doi

stop écouter
Ni to–tog, le qōn̄ ni tawal, ni gat min e taman: “Mam! Na ga mōrōs nēk a tar o kok.” Taman wo “Ga wē!”

S9 doi

stop écouter
Varvan̄ wo “Pa na na ga tar o ak; na ga tek me o ak.”

S10 doi

stop écouter
Nē me van le wōm̄ōt: nē me guvut kal o qētgi sawa.

S11 doi

stop écouter
Turm̄o, o parpar enen̄; nē me guvut kal o qētgi sawa no, ni kōm̄ lat o ulsugi, ni kōm̄ lat o qētgi.

S12 doi

stop écouter
Ni tek me min e taman le lo vōnō, ni gat min e taman ta: “O kok gēn!”

S13 doi

stop écouter
Taman me tar o ak, me ta–tar, me tartar qēt: “Ga wē, gonok nēk a vil.”

S14 doi

stop écouter
Nē me van me, ram̄ me o gawol. E taman ga mōrōs ta ni nin o gawol, ni gat min e taman ta “Óòó, nēk mete nin o gawol! Nēk a vil nōlnōl temek no.”

S15 doi

stop écouter
Qēt, ni van ni tar me o sam. O sam tape kan, ete tos.

S16 doi

stop écouter
Me mop nōl gop temek no, wo e taman ni vil o ak no.

S17 doi

stop écouter
Me vilvil qēt – e taman me tar o wos. Taman me tar o wos, me tartar qēt o wos, ni mop ti, e taman ni tar o qeseker.

S18 doi

stop écouter
Ni ti nagnag o savsav no tatag o sav e Varvan̄ ti gatgat min nē.

S19 doi

stop écouter
O savsav nōl me taurmat, o ak me qēt, o wos me qēt, o qeseker me qēt: noko, ni gat min e taman wo e rētnan: “Talōw, na ga van le rawuw.”

S20 doi

stop écouter
(Le rawuw, tene vasvas qet mogon e rege ta Vetrat, turm̄o.)

S21 doi

stop écouter
Ni me van le rawuw, ni me sar o qet: o qēl ni tēvēlēm!

S22 doi

stop écouter
Ni me sar o qet, o qet ni / o qēl ni tēvēlēm, ni tek me le vōnō: e retnan wo taman, nōrō a qarn̄is.

S23 doi

stop écouter
Qarn̄is qēt o qet no, le matav, e Varvan̄ wo: “Mam, na ga mōrōs ta nintōl a sas tēqēl o kok row a le metesa.”

S24 doi

stop écouter
E taman me van me, mete sas kal o ak, o ak ga lowo anan, ga mamav. Wo ni gat min e taman ta: “O, van nen! Sōwlē –”

S25 doi

stop écouter
Varvan̄, ni me tōr o ak no, me sas kal o ak, vērvērēg tek, me nin̄ row o le metesa a Vetrat, ni mop ti.

S26 doi

stop écouter
Van tek / Van kēl sar le vōnō, at min e retnan; me le o teper qet ni tawal, me tek row: tek row o wos. Van tek row o wos, o teper sanag ni tawal, o qeseker.

S27 doi

stop écouter
Taman wo “E! Nēk a van eve?” Wo “Óòó, na na van na na ēl ti e Esmōtō, a Santo! Sur e rege ti gatgat ta e Esmōtō ni kur o qutuk; pa na na van na ēl nē ti!”

S28 doi

stop écouter
Taman wo “Óòó, nēk nitog vanvan! Si nēk a van, nē ga kur nēk! Wole nē o tam̄sar / nē o tam̄sar / nē o kurkur tam̄sar.”

S29 doi

stop écouter
Varvan̄ wo “Ga wē. Na ga van, kōmōrō ru tog ti, ru luw o qōn̄ san̄wul. Si me nin̄ o qōn̄ san̄wul nem̄egi ni tawal, na me mat. Pa na ga kēl me le qōn̄ ni san̄wul.”

S30 doi

stop écouter
Qēt, ni rev tēqēl o kan, ni sō.

S31 doi

stop écouter
Ni me sō– sō, ni varkal vēti a Big Bay. Ni van sar me no: e rege pul luvuvet. A von̄von̄on.

S32 doi

stop écouter
Wo “Ey! Nēk towo vanvan?” Ta “Ke!”

S33 doi

stop écouter
Ta “Nēk eve?” Ta “O, na na van ma / na van me ta na na ēl / na van sur e Esmōtō.”

S34 doi

stop écouter
Nēr wo “O, varkal me! Le nor, kemem pul san̄wul. Pa Esmōtō me van me, me kur *ne* ni tawal, kem pul luvuvet vēti.”

S35 doi

stop écouter
Wo “Enen̄, ga wē, ru tog ti!”

S36 doi

stop écouter
Ni van; van e rege pul luvutōl. Ni gat min nēr temek no.

S37 doi

stop écouter
Me van van van va–van, me nin̄ o tam̄sar ni tawal. Me nin̄ o tam̄sar ni tawal, nē ni von̄von̄on wa ni ten̄ten̄.

S38 doi

stop écouter
Varvan̄ wo “Ey! Nēk ti ten̄ten̄ sur o sav?”

S39 doi

stop écouter
Wo “Óòó, na na ten̄ten̄ sur no. Sur le nor, kememrō pul rō, pa e Esmōtō me van me, me kur ni tawal wa no vēti. Garqe le qōn̄ nē ga van me nē ga kur no. Pa *we* nēk a varkal me, ninrō! Nēk a *tog* pirin̄ no.” Ta “O, enen̄!”

S40 doi

stop écouter
“Ti e Esmōtō eve?” – “E Esmōtō lakēl. Nēk a van levga o n̄usugi no, nēk a van sar a Big Bay, Esmōtō ga togtog no.” – “Ga wē.”

S41 doi

stop écouter
Sō sō, sō kal a Big Bay, ni van sar: Esmōtō enen̄ le vōnō.

S42 doi

stop écouter
Mop ti gan o teper qet, wo o qeseker. Tēlēn̄re ti.

S43 doi

stop écouter
Ni van sar, van sar le vōnō, ēl me: tam̄sar enen̄.

S44 doi

stop écouter
Kal sar le gemel, nē ni ēl o sav? o wuw qutu tam̄sar, m̄ōsgi, ga garaq, taklegi kara kur gop ti le qōn̄!

S45 doi

stop écouter
Ni wo “Ga nun ron! E va le, ni o tam̄sar ga meneg!”

S46 doi

stop écouter
Ni ēl no: o tōw. *Ēl sur no* o tōw: “Wun̄n̄, wun̄n̄, wun̄n̄!”

S47 doi

stop écouter
Uvuv qēt o tōw, on sur sōw. Nē o–on le gemel, wo enen̄: Esmōtō ete nin̄.

S48 doi

stop écouter
Ni row lō kēl; ni row lō row me, ni van me le sar. Van me le sar, ni ēl no: o wokor! Wokor ti tog ti.

S49 doi

stop écouter
*Ēl me re sur no*, ta: “Tik-teketi! Tek-titeketi! Tek-titeketi! Tek-titeketi! Tek-titeketi! Tek-titeketi!” Wo ni van.

S50 doi

stop écouter
Gono, e Esmōtō ete rōnte.

S51 doi

stop écouter
Ni kal teln̄or kēl le gemel. Kal teln̄or sar le gemel, me o–on, ni le o tōw: “Wun̄! Wun̄! Wun̄!”

S52 doi

stop écouter
Enen̄, Esmōtō ete ron̄te.

S53 doi

stop écouter
Ni o–o–on le lo gemel, ni row lō row, ni van lō le sar me.

S54 doi

stop écouter
Ni ēl o / van me le wokor. Van me le wokor se no; *ta ta*: “Tek-titeketi! Tek-titeketi! Tek-titeketi! Tek-titeketi! Tek-titeketi! Tek-titeketi! Tek-titeketi!” Wo ni van.

S55 doi

stop écouter
Van noko, wenag Esmōtō me ron̄te! “Ke! E sē me nin̄ le vonok?!”

S56 doi

stop écouter
Vērēg, vērēg, vērēg, vērēg vērēg vērēg vērēg, nin̄ me le vōnō; ēl me: Varvan̄ ti sag ti.

S57 doi

stop écouter
“E! Nēk me van me?” Ta “Ke!” Wo “O, ga wē! Nēk me van me, o tam̄sar ete vanvan me sur no! Na ga tog masgēk; pa ga wē no, nēk me van me!”

S58 doi

stop écouter
Nōrō me sag kakaka no, Esmōtō wo “Ninrō a van a sum vōs?” Varvan̄ wo “Ga wē, ninrō a van!”

S59 doi

stop écouter
Va–van, van nin̄ me o qētgi mōtō ni tawal, Esmōtō ni gat min nē ta “Nēk a rep o vōs!”

S60 doi

stop écouter
E Varvan̄ wo: “Le masawre na me wot, gainin̄ garqe, na ete rep vēs o mōtō palan e papa / e tomok! Si na na rep o mōtō, o lōlōm ga gagar no garqe!”

S61 doi

stop écouter
Wa Esmōtō wo “Lōlōk mete gagar le nēk! O mōtō palan ninrō! Rep!”

S62 doi

stop écouter
Nōrō me verliliseg no va–van, Esmōtō ni **** Varvan̄.

S63 doi

stop écouter
Varvan̄ me van me, me tur pe qētgi mōtō temek nak, kōm̄ lat o mōtō.

S64 doi

stop écouter
Kōm̄ lat o mōtō – wole Esmōtō, lolon me gagar sur palan o mōtō. Nōrō a sum o vōs.

S65 doi

stop écouter
Su–sum o vōs, o vōs me qēt, nōrō me kukur o mōtō ga maran̄, me kur qēt; o tare m̄ol nōrō me kur qēt.

S66 doi

stop écouter
Gonoko, wonag Esmōtō lolon ni gagar e Varvan̄.

S67 doi

stop écouter
“Ey! E sē me gat min nēk ta nēk a kōm̄ lat o mōtō polok?”

S68 doi

stop écouter
Varvan̄ wo “Ti na me gat min nēk! Ewa nēk a rep. Pa si na na rep, o lōlōm ga gar. Pa nēk me gat ta lōlōm mete gar, ti gonok o lōlōm me gar no!”

S69 doi

stop écouter
E Varvan̄ towo gatgat, gono: Esmōtō me le rak o ser, ni es e Varvan̄.

S70 doi

stop écouter
Varvan̄ ni row gēn.

S71 doi

stop écouter
Nōrō me rēs temek no, rēs temek no van vava–van, nin̄ me / e Varvan̄ me nin̄ me o qeseker.

S72 doi

stop écouter
Ni le kal mon o qeseker, ni gat min Esmōtō ta: “Nēk me gis tos no, na ga vivir m̄ōt o nōlōm gonok, na ga tuqul o qutum a Vōnōlav!”

S73 doi

stop écouter
Qēt, e Esmōtō me es e Varvan̄ so no, me es tos nē.

S74 doi

stop écouter
Varvan̄ me le rak o qeseker so no: tōwōs e Esmōtō. Tōwōs nolon: o tarpen ni on ti a Big Bay, wo e Varvan̄ me le kal o qoton e Esmōtō, me vivir, me m̄os sōw me a Vures.

S75 doi

stop écouter
Sa, eve? *tek a* Le Pē matmat.

S76 doi

stop écouter
Ete lēlē gonok, o qoton no ga tog vēti si o naw me tuvun. Pa si nēk ga mōrōs a ēl o qoton e Varvan̄, nēk a van sōw a Vures nēk a ēl.

S77 doi

stop écouter
O kakaka no me qēt no. Varean.